Un roucas escalabrous que signourejo la mar, coumo n'en l'a tant dins lei calanco : talo es la couelo de la Gàrdi. Marsiho siguèsse pas neissudo à sei pèd que sarié estado abandounado, l'a 2600 an d'acò. Pamens, la vilo si faguè espera pèr fa siéuno la couelo. Lei Gregau autant que lei Rouman faguèron un pau coumo se l'avien pas visto. Quand coumencè puei de vèire de mounde li veni à l'Iàgi mejan, es proumié pèr li bouta uno vigìo, ço que li faguè pourta lou noum de "gàrdi". E fauguè espera lou siècle XIX pèr que siguèsse estacado au rèsto de la vilo.