TABA
Marcel JOUVE
Siéu malaut, lou taba empouisouno mi veno
e sènte toujour mai que ma vido s’abeno,
mai siéu fla, pode pas me passa de tuba.
Un di quatre matin, l’aorto vai creba,
e, pecaire, anarai mounte vai tout lou mounde,
souto sièis pèd de terro, ounte lou cors s’escounde
pèr se tremuda miés e reveni belèu
dins lou cors d’un lioun, d’un ase o d’un aucèu.
Acò me fai pensa qu’uno vido futuro
fara belèu de iéu uno autro creaturo
que tubara jamai d’aquéu marrit taba,
e pamens coume iéu, tambèn, déura creba…
Se lou gouvèr avié mai soucit de la vido,
leissarié pas li gènt s’empouisouna lou sang,
ié dirié que lou fum l’aura proun lèu gauvido,
e, bèu proumié, devrié souna lou toco-san.
Mai a besoun d’argènt e, mai i’a de fumaire,
mai ié pagon d’impost. Se crèbon, ié fai gaire.
E iéu, que sabe eiçò, countùnie de tuba
e vau d’un pas lóugié me croumpa de taba.
Marcèu JOUVE
Siéu malaut, lou taba empouisouno mi veno
e sènte toujour mai que ma vido s’abeno,
mai siéu fla, pode pas me passa de tuba.
Un di quatre matin, l’aorto vai creba,
e, pecaire, anarai mounte vai tout lou mounde,
souto sièis pèd de terro, ounte lou cors s’escounde
pèr se tremuda miés e reveni belèu
dins lou cors d’un lioun, d’un ase o d’un aucèu.
Acò me fai pensa qu’uno vido futuro
fara belèu de iéu uno autro creaturo
que tubara jamai d’aquéu marrit taba,
e pamens coume iéu, tambèn, déura creba…
Se lou gouvèr avié mai soucit de la vido,
leissarié pas li gènt s’empouisouna lou sang,
ié dirié que lou fum l’aura proun lèu gauvido,
e, bèu proumié, devrié souna lou toco-san.
Mai a besoun d’argènt e, mai i’a de fumaire,
mai ié pagon d’impost. Se crèbon, ié fai gaire.
E iéu, que sabe eiçò, countùnie de tuba
e vau d’un pas lóugié me croumpa de taba.
Marcèu JOUVE
Aquéu pouèmo es leva de Parpello d'agasso (1954) de Marcèu Jouve (1885-1950), cabiscòu foundadou dóu Grihet dóu-Plan-dei-Cuco (1947), que li disien Lou jouven. Fuguè tout en un còup óuficié que prenguè sa part ei campagno d'Óuriènt, Chivalié de la Legien d'Ounour, Presidènt de la Chambro d'Agriculturo dei Bouco-dóu-Rose emai aparaire de trìo pèr que lou fen de Crau ague soun A.O.C. e vèngue lou meiour au mounde ! Lou pouèmo que vaquito sèmblo d'èstre enca de noueste tèms...