LES TRAVAILLEURS DES QUAIS
Lei pouerto-fais
De tout tèms pèr carga o descarga lei batèu s'empleguè la fouarço deis ome. Es au siècle tregen à Marsiho qu’espeliguè la Counfrarié de Sant-Piarre dei pouarto-fais que segnourejavo tout lou travai pourtuau, lou Mèstre pouerto-fais, que n'èro lou patroun, avié lou gouvèr sus sei coumpagnoun. Cade oustau de negòci avié lou siéu. Pèr rintra dins la Counfrarié, èro necite d'èstre Marsihés, pui, si fasié uno enquèsto que toucavo la vido vidanto, lei muers, la religien. Coumo touei lei counfrarié d'aquéu tèms, fuguè peréu uno assouciacien de benfasènço : asseguranço mutualo, siuen medicau à gràtis, pensien de retrèto... Aquelo dei quèi èro uno casto barrado em’encaracien.
Lei counfrarié fuguèron dissòuto à la Revoulucien. Pamens, lei pouarto-fais countunièron de faire l'empèri sus lei port enjusqu'à la fin dóu siècle XIX, qu’èro la pountannado de l'espandimen ecounoumi emai endustriau. E vaqui coumo venguè necite de crea de bacin (dock en englés) à la Joulieto. Un còup la coustrucien acabado en 1864, lei do aguèron tre la debuto lou privilègi de faire, emé seis oubrié à-n-élei lou travai dei pouerto-fais. Aquéstei-d’aqui faguèron soun proun pèr s'apara e si manteni, mai va fau dire clar que soun ourganisacien, sei biais de travaia, s'endevenien pas bèn emé lei nouvèlleis óubligacien ecounoumico, qu’èron au contro de touto moudernita e dóu prougrès. À la perfin, d'oubrié nouvèu que si sounavon docker lei levèron de cassolo pau à cha pau.
Lei docker
Entre la fin dóu siècle XIX e la coumençanço dóu siècle XX, lei docker fasien partido de la pauriho. Cade matin tre 6 ouro e miejo anavon à l'embaucho qu’èron jamai segur de trouba de travai. D'aquéu tèms si disié lou "marcat dóu travai o marcat deis ome". Un còup journado acabado, èro lou chèfe d'entre-presso, qu’à-n-aquéu li disien l’acounié[1], que baiavo la pago.
Èro l'epoco dei loucho oubriero en Franço touto, e sus lei quèi, la lèi de setèmbre 1947 anavo ourganisa enfin la proufessien emé de nouvèuta dei grosso :
-
la carto proufessiounalo que si poudié trasmetre à soun fiéu.
-
l’indannita de garantido, qu'es lou chaumàgi, ei docker qu'avien pas agu de travai.
-
la pago à la semano, avans que de passa au mes, qu’èro mai eisa pèr geri leis afaire de l'oustau.
D'ourganisme coumençavon coutrìo de countourroula la bouono aplicacien de la lèi, en jugant tambèn un role dins la gestien dóu persounau : lei pago, la malautié, la retirado ... Vaquito l’evoulun màji que faguè vira au bèu la plaço soucialo dei docker que desenant fuguèron plus tengu coumo de "sènso qualificacien" travaiant pèr passado.
En 1967, quouro coumencèri de travaia, iéu, rescountrèri d'oubrié à la retirado. L'avié, pecaire, lei que li disien leis "ome de tèsto", estènt que carrejavon lei sa de 50 kilò sus seis esquino : vous n'en diéu pas mai, vias bèn ce que vouéli dire ... E d'un autre las, lei darniéreis ensacarello, qu’èron de fremo que courduravon sus lei quèi lei sa de juto quand èron estrassa. Aquélei fremo dóu caratère fouart si sabien proun faire respeta dins aquéu mounde d'ome, que !
45 an pus tard, en 1992, emé leis endevenènço poulitico emai ecounoumico que sabèn, si voutè uno lèi nouvello pèr toui lei port francés que faguè capita la mensualisacien deis oubrié. Valènt-à-dire que à parti d’aquéstou moumen lei "docker" venguèron leis emplega permanènt d'uno entre-presso de manutencien o d’uno soucieta d'acounàgi, em’uno especialita : lou chèfe dei quèi vo dei chouarmo, lou menaire de la gruio vo dóu pouont roulènt... Pamens pèr lei jour de grando fogo soubro enca uno man d'obro aussiliàri, a serva leis avantàgi de la lèi de 1947.
Mounico GIRAUD
[1] Un acon es uno barco dóu founs plat pèr carga o descarga lei batèu.
Lei pouerto-fais
De tout tèms pèr carga o descarga lei batèu s'empleguè la fouarço deis ome. Es au siècle tregen à Marsiho qu’espeliguè la Counfrarié de Sant-Piarre dei pouarto-fais que segnourejavo tout lou travai pourtuau, lou Mèstre pouerto-fais, que n'èro lou patroun, avié lou gouvèr sus sei coumpagnoun. Cade oustau de negòci avié lou siéu. Pèr rintra dins la Counfrarié, èro necite d'èstre Marsihés, pui, si fasié uno enquèsto que toucavo la vido vidanto, lei muers, la religien. Coumo touei lei counfrarié d'aquéu tèms, fuguè peréu uno assouciacien de benfasènço : asseguranço mutualo, siuen medicau à gràtis, pensien de retrèto... Aquelo dei quèi èro uno casto barrado em’encaracien.
Lei counfrarié fuguèron dissòuto à la Revoulucien. Pamens, lei pouarto-fais countunièron de faire l'empèri sus lei port enjusqu'à la fin dóu siècle XIX, qu’èro la pountannado de l'espandimen ecounoumi emai endustriau. E vaqui coumo venguè necite de crea de bacin (dock en englés) à la Joulieto. Un còup la coustrucien acabado en 1864, lei do aguèron tre la debuto lou privilègi de faire, emé seis oubrié à-n-élei lou travai dei pouerto-fais. Aquéstei-d’aqui faguèron soun proun pèr s'apara e si manteni, mai va fau dire clar que soun ourganisacien, sei biais de travaia, s'endevenien pas bèn emé lei nouvèlleis óubligacien ecounoumico, qu’èron au contro de touto moudernita e dóu prougrès. À la perfin, d'oubrié nouvèu que si sounavon docker lei levèron de cassolo pau à cha pau.
Lei docker
Entre la fin dóu siècle XIX e la coumençanço dóu siècle XX, lei docker fasien partido de la pauriho. Cade matin tre 6 ouro e miejo anavon à l'embaucho qu’èron jamai segur de trouba de travai. D'aquéu tèms si disié lou "marcat dóu travai o marcat deis ome". Un còup journado acabado, èro lou chèfe d'entre-presso, qu’à-n-aquéu li disien l’acounié[1], que baiavo la pago.
Èro l'epoco dei loucho oubriero en Franço touto, e sus lei quèi, la lèi de setèmbre 1947 anavo ourganisa enfin la proufessien emé de nouvèuta dei grosso :
-
la carto proufessiounalo que si poudié trasmetre à soun fiéu.
-
l’indannita de garantido, qu'es lou chaumàgi, ei docker qu'avien pas agu de travai.
-
la pago à la semano, avans que de passa au mes, qu’èro mai eisa pèr geri leis afaire de l'oustau.
D'ourganisme coumençavon coutrìo de countourroula la bouono aplicacien de la lèi, en jugant tambèn un role dins la gestien dóu persounau : lei pago, la malautié, la retirado ... Vaquito l’evoulun màji que faguè vira au bèu la plaço soucialo dei docker que desenant fuguèron plus tengu coumo de "sènso qualificacien" travaiant pèr passado.
En 1967, quouro coumencèri de travaia, iéu, rescountrèri d'oubrié à la retirado. L'avié, pecaire, lei que li disien leis "ome de tèsto", estènt que carrejavon lei sa de 50 kilò sus seis esquino : vous n'en diéu pas mai, vias bèn ce que vouéli dire ... E d'un autre las, lei darniéreis ensacarello, qu’èron de fremo que courduravon sus lei quèi lei sa de juto quand èron estrassa. Aquélei fremo dóu caratère fouart si sabien proun faire respeta dins aquéu mounde d'ome, que !
45 an pus tard, en 1992, emé leis endevenènço poulitico emai ecounoumico que sabèn, si voutè uno lèi nouvello pèr toui lei port francés que faguè capita la mensualisacien deis oubrié. Valènt-à-dire que à parti d’aquéstou moumen lei "docker" venguèron leis emplega permanènt d'uno entre-presso de manutencien o d’uno soucieta d'acounàgi, em’uno especialita : lou chèfe dei quèi vo dei chouarmo, lou menaire de la gruio vo dóu pouont roulènt... Pamens pèr lei jour de grando fogo soubro enca uno man d'obro aussiliàri, a serva leis avantàgi de la lèi de 1947.
Mounico GIRAUD
[1] Un acon es uno barco dóu founs plat pèr carga o descarga lei batèu.
Monique GIRAUD
